பட்டுக்கோட்டை அருகே பஸ்–கார் நேருக்கு நேர் மோதி விபத்து கணவன், மனைவி பலி

திருவாரூர் மாவட்டம் மன்னார்குடி மன்னை நகர் செண்பகா ரைஸ்மில் சாலையைச் சேர்ந்தவர் மணிவண்ணன் (வயது 51) தொழில் அதிபர். இவர், மன்னார்குடி நகராட்சி முன்னாள் அ.தி.மு.க கவுன்சிலர். அவருடைய மனைவி இந்திரா (43). இவர்களுடைய மகன் அரவிந்த் (23). இவர்கள் 3 பேரும் நேற்று ஒரு காரில் பட்டுக்கோட்டையில் ஒரு உறவினர் வீட்டுக்கு சென்று கொண்டிருந்தனர். காரை மணிவண்ணன் ஓட்டினார். அப்போது ஆலத்தூர் கடைத்தெருவில் கார் வந்து கொண்டிருந்த போது பட்டுக்கோட்டையிலிருந்து மன்னார்குடி நோக்கி சென்ற கொண்டிருந்த அரசு பஸ்சும், காரும் நேருக்கு நேர் மோதிக்கொண்டன. இதில் தொழில் அதிபர் மணிவண்ணன், அவருடைய மனைவி இந்திரா இருவரும் உடல் நசுங்கி சம்பவ இடத்தில் இறந்தனர். பலத்த காயம் அடைந்த அரவிந்த் ஆபத்தான நிலையில் தஞ்சை மருத்துவகல்லூரி மருத்துவமனையில் சிகிச்சைக்காக சேர்க்கப்பட்டார்.

0 comment(s) to... “பட்டுக்கோட்டை அருகே பஸ்–கார் நேருக்கு நேர் மோதி விபத்து கணவன், மனைவி பலி”