அமெரிக்க பக்தரிடம்திருப்பதி கோயிலில் தரிசனம் செய்ய லஞ்சம் வாங்கிய விஜிலென்ஸ் ஊழியர் கைது

விஜிலென்ஸ் ஊழியர் சிக்கினார். அவரிடம் விசாரணை நடக்கிறது. திருப்பதி ஏழுமலையான் கோயிலுக்கு தினமும் லட்சக்கணக்கில் பக்தர்கள் வருகின்றனர். நேற்று முன் தினம் விடுமுறை தினம் என்பதால் பக்தர்கள் கூட்டம் மேலும் அதிகமாக இருந்தது. இதனால் தரிசனத்துக்கு பல மணி நேரம் காத்திருந்தனர். இந்நிலையில், அமெரிக்காவை சேர்ந்த பக்தர்கள் ஒருவர் சுவாமி தரிசனம் செய்ய சுபதம் நுழைவு வாயில் வழியாக சென்றார். அவரிடம், ரூ.5 ஆயிரம் கொடுத்தால் உடனடியாக தரிசனம் செய்ய ஏற்பாடு செய்வதாக விஜிலென்ஸ் ஒப்பந்த ஊழியர் பாலகிருஷ்ணா கூறியுள்ளார். அதன்படி, அவரும் ரூ. 5 ஆயிரம் கொடுத்துவிட்டு உள்ளே சென்று சுவாமி தரிசனம் செய்தார். பின்னர், அங்கிருந்த சக வெளிநாடு பக்தர்கள் அவரிடம் இது வெளிநாட்டினருக்காக ஏற்படுத்தப்பட்ட இலவச தரிசன நுழைவு பாதை என தெரிவித்துள்ளனர்.