குற்றாலத்தில் மெயின் அருவி,ஐந்து பக்கங்ளிலும் கொட்டும் ஜந்தருவி,புலி அருவி,சிற்றருவி,பழையகுற்றால அருவி,செண்பகாதேவி அருவி,தேனருவி என ஏழுவகையான அருவிகள்

குற்றாலத்தின் சிறப்புகளை ஒரே வரியில் சொல்லிவிட்டார் திரிகூடராசப்பக்கவிராயர். அப்படிப்பட்ட குற்றாலத்தில் மெயின் அருவி,ஐந்து பக்கங்ளிலும் கொட்டும் ஜந்தருவி,புலி அருவி,சிற்றருவி,பழையகுற்றால அருவி,செண்பகாதேவி அருவி,தேனருவி என ஏழுவகையான அருவிகள் ஒரே குற்றாலம் மலையிலிருந்து கொட்டும் அருவிகளின் அதிசயத்தை உலகில் வேறு எங்கும் காணமுடியாதபடி இயற்கை அன்னை பெருங்கொடையாக நெல்லை மாவட்டத்தின் தென்மேற்குத் தொடர்ச்சி மலையின் பக்கம் கொடுத்திருக்கிறார்

சுமார் மூன்றரை மாதங்கள் வரை நீடிக்கும் சாரல் மழை சீசனில் மலையில் உள்ள மூலிகைச் செடிகள் உயிர்பெற்று துளிர்த்துவிடும். அந்த மூலிகைச் செடிகளின் வழியே வழிந்தோடி அருவியாய் கொட்டும் தண்ணீரில் குளித்தால் சரும நோய்கள் தீருவதோடு தலைவலியும் குணமாகும் தன்மைகொண்டது.