திரு மலை, ஜூன் 11:

 அதிராம்பட்டினம் கடற்பகுதியில் கடல் சீற்றம் அதிகமாக உள்ளதால் 4 வது நாளாக மீனவர்கள் மீன்பிடிக்கச் செல்லவில்லை. கடந்த சில தினங்களாகவே கடலில் தொடர்ந்து மழை பெய்துவந்தது. இதைத்தொடர்ந்து அதிவேக சூரைக்காற்று தொடர்ந்து வீசிவந்தது. இதனால் விசைப்படகு மீனவர்கள் மற்றும் கரையில் மீன்பிடிக்கும் கட்டுமர மீனவர்கள் தவிர பெரும்பாலான நாட்டுப்படகு மீனவர்கள் 4 தினங்களாக கடலுக்கு மீன்பிடிக்கச் செல்லவில்லை. இந்நிலையில் நேற்று அதிராம்பட்டினம் கடல் கடும் கொந்தளிப்புடனும் சீற்றத்துடனும் காணப்பட்டது.இது பற்றி மீனவர் கூறுகையில் கடலில் வழக்கத்தைவிட 3 மடங்கு அலைகள் எழும்புவதாலும் காற்றும் அதிகம் வீசுவதாலும் விசைப்படகு மீனவர்கள் மற்றும் கட்டுமர மீனவர்களும் கடலுக்குச செல்வது சந்தேகம்தான் என்று கூறினார்

                                         

அதிராம்பட்டினம் வெளிவயல் கடல் பகுதியில் கடல் சீற்றத்துடன் அலை எழும்போது எடுத்த படம்

அதிராம்பட்டினம் கடற்பகுதியில் பலத்த சூரைக்காற்று வீசிவருவதால் பெரும்பாலான நாட்டுப்படகு மீனவர்கள் மீன்பிடிக்க கடலுக்குச் செல்லவில்லை, அதிராம்பட்டினம் பகுதியில் கடந்த சில நாட்களாக மழை பெய்துவந்தது. இருந்தும் காற்றின் வேகம் குறைந்து காணப்பட்டதால் நாட்டுப்படகு மீனவர்கள் மீன்பிடிக்க கடலுக்குச் சென்று வந்தனர். இந்நிலையில் நேற்றும் நேற்று முன்தினமும் மழை அதிகமாக பெய்யவில்லை, இருந்தபோதும் இரண்டு தினங்களாக கடலில் பலத்த சூரைக்காற்று வீசிவருகிறது. மேலும் அலைகள் வழக்கத்தைவிட இரண்டு மடங்கு அதிக அளவு உயரம் எழுகிறது. இதனால் விசைப்படகு மீனவர்கள் தவிர்த்து பெரும்பாலான நாட்டுப்படகு மீனவர்கள் கடலுக்கு மீன்பிடிக்கச் செல்லவில்லை, மேலும் மீன்பிடிக்க கடலுக்குச் சென்ற ஒரு சில நாட்டுப்படகு ; மீனவர்கள் காற்றின் வேகம் தாக்குப்பிடிக்காமல் கரை திரும்பினர். இதனையடுத்து அதிராம்பட்டினம் கரையூர்தெரு, காந்திநகர், ஆறுமுககிட்டங்கித்தெரு, ஏரிப்புறக்கரை, கீழத்தோட்டம், வெளிவயல், கொள்ளுக்காடு, புதுப்பட்டினம், மல்லிப்பட்டினம், மனோராசின்னமனை, சேதுபாவாசத்திரம் உள்ளிட்ட தஞ்சை கடற்பகுதியில் உள்ள 1000க்கும் மேற்பட்ட நாட்டுப்படகுகள் மூலம் மீன்பிடிக்கும் 4000க்கும் அதிகமான மீனவர்கள் மீன்பிடிக்க கடலுக்குசெல்லவில்லை இது பற்றி அதிராம்பட்டினம் ஏரிப்புறக்கரை மீனவர் வேலாயுதம் கூறுகையில் தஞ்சை கடற்பகுதியில் இரண்டு தினங்களாக கடலில் பலத்த காற்று தென்திசையிலிருந்து வடக்கு நோக்கி வீசிவருகிறது. அலைகள் அதிகளவில் உயரம் எழுவதோடு கடல் 200 மீட்டர் துரம் உள்வாங்கியும் உள்ளது இதனால் படகு கவிழ்ந்து விடுமோ என்ற அச்சத்துடன் நாங்கள் கடலுக்கு மீன்பிடிக்கச் செல்லவில்லை என்றார்.

அதிராம்பட்டினம் காந்தி நகர் கிராமத்திலிருந்து கடலுக்கு மீன்பிடிக்கச் சென்ற மீனவர் மாயாமானர்.அதிராம்பட்டினம் பேருராட்சிக்குட்பட்ட பகுதியான காந்திநகர் கிராமத்தைச் சேர்ந்தவர் ஜெயராஜ்;; மகன் ரவி வயது28.இவர் நேற்றைய முன்தினம் மதியம் 2 மணியளவில் காந்திநகர் மீன்பிடித்துறைமுகத்திலிருந்து தனக்கு சொந்தமான நாட்டுப்படகில் மீன்பிடிக்க கடலுக்குச் சென்றார்.இந்நிலையில் நேற்று அதிகாலை கரை திரும்பவேண்டியவர் நேற்று இரவு வரை கரைதிரும்பவில்லை. இதுதொடர்பாக அதிராம்பட்டினம் கடலோர காவல்நிலையத்திற்க்கு தகவல் தெரிவிக்கப்பட்டது தகவல் அறிந்ததும் கடலோர காவல் நிலைய போலீசார்கள் மற்றும் சக மீனவர்கள் காணமால் போண மீனவரை தேடும் பணியில் ஈடுபட்டுவுள்ளனர்.